الايميل الجامعى

الايميل الجامعي وهو ايميل بيكون اخره edu.eg وهو طبعا له اهمية كبيرة جدا جدا جدا تعالى سوا نعرفها.
أولا الجامعة بدأت فى عمل تطبيق اندرويد جديد هيريح الطلاب واعضاء هيئة التدريس والموظفين فى انهم يعرفوا حاجات خاصة بيهم وطبعا كل الحاجات دى مربوطة بالإيميل الجامعي
كمان الخطوة الجديدة اللى الجامعة اتخذتها هى ان معظم الكليات اللى اشتغلت من خلال الكنترول الإلكتروني الموحد هتتبعت نتائج طلابها على بريدهم الالكتروني يعني محدش هيعرف نتيجتك غيرك انت وبس
كمان لو حبيت تخاطب جامعة برة او اى جهة مش هتضطر تثبتلهم انك طالب جامعى لأن الإيميل الجامعى بتاعك بيقول انك طالب فى كلية كذا فى جامعة كذا يعني حاجة حلوة خالص
مش بس كده ... فيه حاجات اكتر واكتر هنعرفهالك حالا
تعرف ان ايميل الجامعة ممكن تستفيد منه ببرامج ومواقع باكتر من 5000 دولار من غير كراكات !
طب تعالي عد معايا :D :D :D

1- تقدر تنزل microsoft Package ونسخة اصلية ببلاش زي Office 2016- MS SQL Server – Windows - Visual Studio
2- تقدر تستخدم Windows Azure مجانا 
3- بتاخد نسخ مجانية واصلية من موقع auto Desk زي الاوتوكاد وال 3D Max
4- تقدر يكون عندك اكونت Amazon prime من مزايا الشحن المجاني والسريع بالإضافة لعروض ومميزات أخرى لمدة ستة أشهر تجدد بعدها بستة أشهر بخصم 50% بالإضافة لـ10 دولارات في حساب التسويق بالعمولة الخاص بك.
5- ممكن تنزل برامج مجانية من علي موقع Jet Brain وهو موقع يقدم العديد من البرامج و الأدوات الرائعة الخاصة بالبرمجة للمطورين.
6- تقدر تدخل علي researchgate.net وتشوف الابحاث اللي منشورة باسماء الدكاترة بتوعك اللي بيدرسولك
7- ليك 1 تيرا علي Microsoft OneDrive تقدر تخزن عليها كل حاجة خاصة بيك
8- موقع بريزي Prezi وهو موقع لتصميم العروض التقديمية حساب مجاني وده قيمته 60 دولار لو هتشتريه من برة لكن مع الايميل الجامعى مبروك عليك هتاخده من غير فلوس :D
دة مميزات بسيطة ان شاء الله كل فترة هنزل مميزات تانية للبريد الجامعي وفي الماستر هتحتاجة عشان تدخل تشوف الابحاث الجديدة المنشورة
=============
نيجي بقي للخطوة ازاى افعل الإيميل الجامعي
طبعا عنوان الايميل بتاعك موجود اسفل الكارنيه الجامعى ولو هنفترض انك مش معاك الكارنيه الجامعي فاحنا عملنا موقع تقدر من خلاله تعرف ايميلك الجامعى ايه وده لينك لشرح البرنامج اللى هيطلب منك بس تدخل رقم القومي ويعرضلك بياناتك وتقدر كمان تعدل صورتك وهتلاقى شرح اكتر فى الرابط التالى
http://bumis.westeurope.cloudapp.azure.com/?page_id=171
1- لو انت طالب فعلا فى الكلية ومتعرفش حاجة عن ايميلك يبقى تدخل على اللينك اللى فوق وتمشي مع الشرح ولو موصلتش لحل يبقى تروح على قسم IT فى كليتك وتقولهم انك عاوز بيانات ايميلك وهما هيدولك ايميلك بكلمة السر وتقدر تدخل وتعمل ريست لكلمة المرور وتغيرها.
2- لو انت عارف عنوان ايميلك وناسي الباسورد تقدر تدخل وتعمل ريسيت للباسورد بتاعتك وترجع ايميلك ليك تانى 
3- طلاب الفرقة الأولى كلمة السر بتاعتهم هى الرقم القومي الخاص بهم يقدروا يدخلوا ويفعلوا ايميلهم الجامعى
متكسلش وتضيع حقك ... ومتقلقش مش هتدفع فلوس