كلية التمريض
نسا (ENNSSA-Egypt) هي اختصار لـ Egyptian Novice Nurses and Students Scientific Association الجمعية المصرية العلمية لطلاب التمريض وحديثي التخرج . وهي الجمعية الوحيدة في مصر والشرق الأوسط التي تمثل طلاب التمريض وحديثي التخرج ....................... طيب معلش بتعملوا ايه ؟!? انتم نشاط طلابي يعني زي أي أسرة او اتحاد الطلاب ؟!? ?لا مش زي اي أسرة او اتحاد طلاب ده نشاط علمي اجتماعي متخصص في مجال التمريض فقط مش هتلاقي جمعية للتمريض مثلاً موجودة في طب أو صيدلة أو علوم أو تجارة أو زراعة ! وبالنسبة لنقطة بنعمل ايه دي ركز معانا علشان شغلنا كتير ?:- 1- بنعمل برامج تدريبية لطلاب التمريض على كل المهارات التمريضية. 2- بنعمل برامج تدريبية على اساسيات البحث العلمي وبحث سبل نشر أبحاث الطلاب. 3- بننشر دورية علمية كل تلت شهور بننشر فيها ملخصات ابحاث الطلاب العلمية يعني حضرتك لو متميز في مجال وعامل بحث عايز تنشره ممكن تنشره معانا. ومش بس على نطاق مصر لا ده على نطاق دولي ? ? لأن انسا عضو مؤسس في الجمعية العالمية لطلاب التمريض وحديثي التخرج ( هنوضح الكلام ده بس كمل البوست ) 4- هنساعدك لو عندك اي مشكلة دراسية في أي مادة. 5- بنعمل كمان برامج توعية صحية في المجتمع عن اهم الأمراض الصحية. 6- بنشارك مع اهم المنظمات الدولية والعالمية زي منظمة الصحة العالمية (WHO) والمجلس الدولي للتمريض (ICN) والجمعية العالمية لطلاب التمريض وحديثي التخرج في الاحتفال بالايام العالمية للصحة. 7- تعزيز مفهوم تمريض صحة المجتمع. 8- وكمان بنقدملك برامج تدريبية ادارية وقيادية ( مهارات القيادة – التخطيط – ازاي تكتب سيرة ذاتية – تدريب مدربين ..... الخ ). 9- بتشارك معانا في الكامب السنوي لانسا واللي بيكون كل سنة في محافظة جديدة. ....................... والمفاجأة الكبرى تقدر تشارك معانا في اكبر مؤتمرات دولية لمهنة الطب والتمريض تقدر تسافر برا مصر تعمل برامج تبادل طلابي دولي وتتعرف على ثقافات جديدة .................. طيب انتوا على كده عندكوا افرع غير كليتنا ولا انتم في بنها بس ؟!? ?بتهزر صح ? يعني تعتقد المجهود ده هنعمله بكلية واحدة طبعا لا انسا موجودة في اكتر من جامعة زي المنصورة طنطا المنوفية الزقازيق اسماعيليه اسيوط سوهاج اسوان وغيرهم ..................... طيب ليه مفكرتوش تكونوا في جامعات كبيرة زي القاهرة وعين شمس ؟? شغالين حالياً على القاهرة عين شمس حلوان اسكندرية ......................... طيب وايه هي طبيعة شغلكم وايه اللجان الموجودة في انسا ؟!? ?عندنا ست لجان تقدر تنضم للجنة اللي تحبها وشايف انك هتكون عضو فعال فيها وهتقدر تقدم ابداعات فيها::--.. 1-لجنة التعليم التمريضي (SCONE) وأهم مهامها :- ▪مسؤلة عن عمل ورش عمل عن التمريض وعمل مسابقات دورية للتمريض. ▪عمل مطبوعات علمية ومطبوعات عن أخبار الكلية. ▪عمل مناظرات بين الطلاب سواء داخل المناهج او خارجها. ▪وكمان تعمل علي تجميع المناهج وتلخيص المحاضرات المعقدة.? ================ 2-لجنه الصحه العامة (SCOPH) وأهم مهامها :- ▪الأحتفال بالأيام العالمية زي (اليوم العالمي للسكر _واليوم العالمي للإيدز....) . ▪وعمل دورية تمريضية صحية لأول مرة ف مصر لمعرفة كل ما هو جديد ف الصحة في العالم . ▪وفيه ندوات ومؤتمرات ثقافية للإثراء الفكري.? ▪وكمان في خدمات اجتماعية وقوافل طبية وحملات توعية. ================ 3-لجنه التبادل الطلابي والبحثي (SCOSRE) وأهم مهامها :- ▪عمل مسابقات بحث علمي بين الطلاب. ▪التدريب علي مهارات البحث العلمي في الكلية. ▪المشاركه ف المؤتمرات واللقاءات الطلابية . ▪اقامة تبادل طلابي بين كليات التمريض والكليات الاخري ف الجامعة. ▪عمل زيارات لبعض الاماكن الصحية. ▪إقامة المؤتمرات العلمية. ================ 4-قسم التدريب والتطوير (ETDD) وأهم مهامه :- ▪تدريب الأعضاء الجدد. ▪تدريب أمناء اللجان على المهارات الادارية. ▪التعاون مع مدربين متخصصين ،لالقاء ندوات ودورات تدريبية للأعضاء وطلاب التمريض. ▪عمل استبيانات لتقييم اداء الأعضاء وكمان اللجان. ================ 5-فريق تكنولوجيا المعلومات (ITT) وده للناس بتاعة الكمبيوتر ?? وأهم مهامه:- ▪مسؤلة عن تنظيم وادارة الصور الالكترونية اللازمة للجمعية. ▪وعمل بانرات داخل الكلية بتوضح نشاط الجمعية. ▪تنظيم دورات ICDL وكمبيوتر. ▪ورفع البيانات الخاصه بالجمعيه ع الصورة الالكترونية. ================ 6- فريق الدعايا والعلاقات العامة (MPRT) الناس بتوع الفوتوشوب والاعلانات ? وأهم مهامه :- ▪تصميم مجلات علمية ثقافية خاصه بالتمريض. ▪طباعة وتوزيع المطبوعات والاوراق الخاصة بالجمعية. ▪وضع خطط للدعايا داخل الكلية وخارجها. ▪عمل استبيانات دورية لمعرفة المشاكل اللتي تواجه الطلاب والسعي لحلها ........................ وبكده تكونوا عرفتوا مين انسا وايه اهدافها وطبيعة الشغل فيها ولو مهتمين بانكم تكونوا جزء من الكيان الكبير ده ??? معادنا بكره في الكليه الساعه 11 في مدرج الدكتور عبدالرحيم شولح الدور الاول ✊
